كتب الشاب #عباس_حجازي 

 

بهالأزمة الصعبة عندك خيارين:

 

الخيار الأول إنك تعيش مهموم وإنت ما قادر تغير وهيك رح يكون الموضوع كتير صعب

 

الخيار الثاني هو الأسهل والأحلى وهو الرجوع للبساطة وإنك تعيش أبسط التفاصيل يلي بتخليك مبسوط ومنها:

 

_أي تفصيل قد ما كان صغير بخليك مبسوط ما تتركو أبدا. 

_إستبدل قعدة المطاعم بالطبيعة مع عيلتك،مع مرتك، أو خطيبتك، ورفقاتك ولو تحت شجرة. 

_فيك تمارس أي رياضة أو هواية بتحبا مع الشخص يلي بترتاح معو.. 

_فيك تقعد بمطارح بتخليك رايق و مرتاح وبعيد عن الضجة ويلي اكترها مجانية. 

_أي شي بسببلك مشاكل تبعد عنو شو ما كان. 

_فيك تمزح وتتصدق بالضحكة عالبشر وجبر خاطر الناس، وفيك تصالح زوجتك الكسورة وتعيد النظر بعلاقتكن وترجع حلوة من جديد، أو ترجع عيلتك وتصالح بنتك مع ابنك. 

_فيك فيك تبتكر شي من الوسائل الموجودة بين ايديك انت وتلعب انت وولادك. 

_فيك تبعد عن أذى الناس وتكون إيد الخير للناس وهيك رح تلاقي حالك جزء مهم من أفراد المجتمع. 

_فيك تتقرب من جيرانك وتقعد معهن وتكون حدن بما فيهن الفقراء. 

_فيك تعيد نظرية صلة الرحم من جديد. 

_فيك ترجّع علاقتك بربّك وتعتذر قد ما كنت مغلط، وتلجأ للصلاة والصوم وتزكية النفس والعبادة والخشوع. 

_فيك تقرأ كتب، وفيك تقرأ أحاديث وروايات الرسول الأكرم(ص) وأهل البيت(ع) وتقتضي بأخلاقهم وتعاليمهم وتخلي علاقتك قوية فيهن. 

_فيك تبعد عن المعصية لأنو حسب قول أمير المؤمنين علي(ع) : "كل يوم لا يُعصى الله فيه فهو عيد". 

_فيك تحب من قلبك وتعيش تفاصيل الحب الصادقة وتحكيه الحكي الحلو مع الناس وكل حدا بتحبو حسب حديث حديث الإمام الصادق(ع): "قُل لمن تُحب أنا أحبك".. 

_فيك تقوي علاقتك إمام زمانك وتعيش الواقع إنو موجود

_فيك إذا حدا غلطان معك تسامحو، وإذا انت غلطان مع حدا تستسمح و تعتذر منو لأنو مش عيب. 

_ومش ضروري تقعد بس مع الناس فيك تقعد مع الحيوانات و تتسلى معن..

 

هيدا جزء بسيط من البساطة

والموضوع بيرجع إلك أو بيرجع عليك، حسب إنت شو بتختار..